سرقت الاسئله الاوزاريه للسادس علمي لخاطر عيونكم

السلام عليكم ورحمة الله وبركاته


جمهورية العراق

وزارة التربيه
الاسئله الوزاريه للعام الدراسي الحالي
المادة:الفيزياء
الوقت :3 ايام
ملاحظه1 :الاجابه على ستة اسئله على ان يكون الاول والثاني والثالث والرابع والخامس والسادس من ضمنها


..
ملاحظه 2 :لا تاكلون هم عزيزي الممتحن .. عزيزيتي الممتحنه ( طبعا ماكلنا طالب لان مو مثل طلاب قبل بس يغلط شوي بأمتحان گبل يفكر يأجل السنه وين صايره هاي عمي ) نجاحكم مضمون لان خوش قسمنالكم الاسئلة والاسئله هم بيها ترك بس اللي يحجر مقعد للسنه الجاية اكيد احسن لان مثل ما يكولون ظمن مستقبله .
نبدأ بالاجابة على الاسئله


السؤال الاول :رواد فضاء صعدوا الى الفضاء واخذو معم ثلاجه بيهه اكل وعلى مسافة كيلو ونص من القمر خلص الاكل وشمروا الثلاجه مناك ..احسب سرعة سقوط الثلاجه علما ان الماطور دنفص ..


السؤال الثاني :واحد ديمشي هوه وصديقه ..(يعني هوه ديمشي ووراه صديقه)والمسافه بينه وبين صديقه متران فقط ..التفت الى الوراء بعد مرور 10 ثوان ولم يجد صديقه ..اين ذهب صديقه؟


السؤال الثالث:سياره تمشي عالقناه نوع اوبل اومكا بسرعة 120 كم / سا صادف مرور كلب سائب امامها على مسافة 20 مترا من السياره ..داس السايق بريك فوقفت السياره على مسافة 2 متر من الكلب (لتخافون ما راح اسألكم شنو نوع الدهن بريك)....اجتي سياره همر مال امريكان ضربت الاوبل من وره ..شكد جان يمشي ابو الهمر؟ علما ان الجندي السايق من ولاية اريزونا الامريكيه..


السؤال الرابع:ولد يمشي في شارع الربيعي على الجهه اليمنه وبنيه عله الجهه اليسره من الشارع انتبه الولد عالبنيه واندعم بتيل .. البنيه ضحكت ..كم عدد البنات صديقات هاي البنيه اللي راح هاي البنيه اتسولفلهن الصار بالولد من وراهه؟ علما ان الولد مضروب بوري قبل 20 دقيقه في نفس الشارع؟


السؤال الخامس :ارسم مؤشرا على الاجزاء طريقة عمل الدولمه..


السؤال السادس والاخير:
علل ما ياتي:
1:السوني اركسون يخلص شحن بسرعه ..
2:المولده التايكر تطلع دخان..
3:لايوضع الصاص والعمبه معا في لفة الفلافل..
4:الفقير ما يعيش بالدنيه..
************ *******


مع تمنياتنا ان تكونو قد حجزتم مقاعدكم للسنه القادمة وذلك لظمان مستقبلكم الزاهر اعزائي
*************************

وان شاء الله عجبتكم

مع تمنياتي لطلبتنا الاعزاء بالنجاح والموفقية

هههههههههههههههههههههههههههههههههه مشكوووووووووووووووره دموع خوش اسئلة لكن انا مو فيزياوي فراح ااجل الامتحانات ههههههههههههههه

يسلموووووووووو احد الضوراي انا بنصحك تااجل الامتحان لان مثل مكال ادماين الاسئله صعبه هههههههه تقبل مروري